• RegistrācejaĪnuokt

    Registraceja

    Lyudzu, īvodit sovu e-posta adresu.
    Jius sajimsit saiti Jiusu e-postā, kab izveidotu jaunu paroli.

Par projektu

Anotaceja

Sābru regionu kulturys i izgleiteibys institucejis Rēzeknē, Grodņā i Kēdaiņūs ir boguotys ar unikalu materialū i namaterialū montuojumu, kas prezeņtej na viņ sovys lokaluos, tok ari kūpejuos vierteibys kulturvidē.

Projekta rezultatā īcarāts izveidot inovativu kulturizgleiteibys i turisma produktu ar apvīnuotu datu bazi – virtualū muzeju, kas myusu dīnom atbylstūši i atraktivi paruoda da šuo saleidzynūši statiskū kulturviesturiskū montuojumu i juo interpretaceju. Ar jaunuokūs tehnologeju paleidzeibu izveiduots interaktivs, vysaidys leidza dorbuošonuos pīduovojūšs, jaunuokuos paaudzis interesem atbylstūšs, potencialūs turistus aicynojūšs i vīgli lītojams virtualais muzejs nūdrūsynuos internacionaluos datu bazis sasnādzameibu sabīdreibai na viņ puorrūbežu regionūs, a vysā škārsteikla vidē.

Virtualuo muzeja izstruodis ītumā paradzāts reikuot konfereņcis, izgleitojūšus i pīredzis apmainis seminarus, tradicionaluos kulturys pasuokumus sadarbeibys partneru regionūs. Apmāram 1600 unikalu škierkļu i artefaktu aproksti i daudzpuseigs pasnīgšonys veids nu Rēzeknis Augstškolys, Latgolys Kulturviesturis muzeja, Maksima Bagdanoviča muzeja (Grodņa), Kēdaiņu Regionaluo muzeja datu bazem byus virtualuo muzeja pamats, kū byutīnē paradzāts papyldynuot i ar īsaisteitūs īstuožu kulturviesturiskajom boguoteibom, i īsaistūt jaunus partnerus nu sābru regionu, tai nūdrūsynojūt kulturviesturiskūs vierteibu sasnādzameibu, puormontuojameibu i izviertejūt lītuotuoju snāgtūs komentarus.

 

Projekta mierkis

 

Pamatmierkis – nūdrūšynuot materialuo i namaterialuo kulturys montuojuma vierteibu sasnādzameibu sabīdreibai, izveidojūt virtualū muzeju i paplašynojūt puorrūbežu pīredzis apmaiņu kulturizgleiteibys jūmā.

 

Pamataizdavums – veiduot virtualu ekspoziceju, sasaistūt pietnīcyskū i muzeju darbeibys praktiskū pīredzi, paruodūt kulturviesturiskuos saiknis treju sābru vaļstu piļsātu storpā – Grodņa, Rēzekne, Kēdaini.

 

Rezultati

 

Gaidomī rezultati:

  •   modernizātys muzeja kruojuma saglobuošonys īspiejis i pasalelynuojuse juo daīmameiba sabīdreibai
  •   spieceiguoka sadarbeiba pietnīcyskajā, izgleitojūšajā i komunikacejis jūmā īsaisteitūs regionu kulturizgleiteibā
  •   palelynuots pyrmreizejūs muzeja apmaklātuoju skaits kotrā nu sadarbeibys partneru muzeju, eipaši jaunīšu auditoreja
  •   sataiseits inovativs kulturizgleitojūšs turisma produkts – publiski daīmams interaktivs virtualais muzejs
  •   īspieja studejūšajim i pietnīkim izmontuot datu bazis pietnīcyskajom vajadzeibom
  •   muzeja praksis i kulturizgleiteibys īspiejis partneru teritorejuos

Faktiskī rezultati:

 

 – 4 kulturys i izgleiteibys īstuožu sataiseits virtualais muzejs ar 4 galerejom: „Latgolys koncepti”, „Latgolys keramika”, „Senejī omoti Kēdaiņūs”, „Grodnis regiona literatura”

– 3 muzeju īsapazeišonys videosižeti

– 4 tradicionaluos kulturys pasuokumi kotrā nu daleibvaļstu: Latgolys Pūdnīku dīnys Rēzeknē, Folklorys i omotu īpazeišona Kēdaiņūs, Multikulturaluos literaruos tradicejis Grodņā, literari muzykalais Andreja dīnys pasuokums Rēzeknē

– 3 izgleitojūši seminari, pa vīnam kotrā no daleibvaļstu

– pīredzis apmainis braucīni, apsazynojūt kotra partnera kulturizgleitojūšuos darbeibys specifiku

– nūslāguma konfereņce – projekta dorba produktu i pietejumu prezentacejis

– kūpeja projekta simbolika prezentacejis prīškmatūs

– renovātys muzeju telpys i jauns tehniskais apreikuojums

 

Pasuokumi

 

2014. goda 24.–26. apreļs, Rēzekne, Latgolys Kulturviesturis muzejs

Izgleitojūšs seminars „Virtualais muzejs. Latgolys keramika” (25. apreļs)

Latgolys Pūdnīku dīnys (24.–26. apreļs)

Latgolys pūdnīceibys izstuodis atkluošona (26. apreļs)

 

2014. goda 22.–23. majs, Kēdaini, Kēdaiņu Regionalais muzejs

Izgleitojūšs seminars „Virtualais muzejs. Senejī omoti Kēdaiņūs” (22. majs)

Izstuode „Amatnīceibys tradicejis Kēdaiņu regionā” (22. majs)

Kulturys pasuokums „Kēdaiņu regiona folklorys i amatnīceibys montuojuma īpazeišona” (23. majs)

 

2014. goda juņs, Grodņa

Izgleitojūšs seminars „Virtualais muzejs. Grodnis regiona literatura”

 

2014. goda 28.–30. novembris, Rēzekne, Rēzeknis Augstškola

Nūslāguma konfereņce (28.–29. novembris)

Izstuodis atkluošona „Latgolys koncepti” (28. novembris)

Literari muzykalais pasuokums „Andreja dīna” (30. novembris)

Papyldu informaceja byus vāluok

 

Publicitate

 

2013. goda 10.–11. janvarī nūtyka projekta atkluošonys konfereņce Latgolys Kulturviesturis muzejā.

Par pasuokumu:

2013. goda 21.–23. martā nūtyka pyrmais pīredzis apmainis seminars Grodņā.

 

2013. goda 17.–19. aprelī nūtyka ūtrais pīredzis apmainis seminars Rēzeknē.

 

Par pasuokumu:

 

2013. goda 23.–24. majā nūtyka trešais pīredzis apmainis seminars Kēdaiņūs.

 

Vadūšais partners

Rēzeknis Augstškola (RA, Latveja)

Partneri

Latgolys Kulturviesturis muzejs (LKM, Rēzeknis piļsātys dūme, Latveja)

Kēdaiņu Regionalais muzejs (Lītuva)

Maksima Bagdanoviča muzejs (Boltkrīveja)

Projekta realiziešonys laiks

  1. goda 1. decembris – 2014. goda 30. novembris

 

 

Kontakti

Atbreivuošonys aleja 115,

Rēzekne, Latveja, LV-4601

www.ru.lv

info@ru.lv

 

Latvejā: Ingars Gusāns, projekta administrators, ingars.gusans@ru.lv

Indra Brivņa, projekta koordinatore, indra.brivna@rezekne.lv

Lītuvā: Rimantas Žirgulis, projekta koordinators, kedainiumuziejus@gmail.com

Boltkrīvejā: Svetlana Rapeckaja, projekta koordinatore, rapeckaja@mail.ru