• RegistrācejaĪnuokt

    Registraceja

    Lyudzu, īvodit sovu e-posta adresu.
    Jius sajimsit saiti Jiusu e-postā, kab izveidotu jaunu paroli.

Kedaiņu Regionalais muzejs

Virtualuo galereja Spēle

Par myus

Kēdaiņu Regionalais muzejs, kurs ir vīns nu vacuokūs muzeju Lītuvā, tyka izveiduots 1922. g. Muzeja i juo filiaļu ekspozicejis stuosta par Kēdaiņu piļsātys dzeivi nu 15. da 19. g. s, par piļsātā dzeivojūšom lītavnīku, pūļu, skotu, vuocīšu, žydu i krīvu kūpīnom, kai ari par reformatu, ļutaru, katuoļu, ariaņu, pareizticeigūs i žydu konfeseju kūpīnom.

Turpynuot skaiteit...

Kolekcejis

Muzeja kolekcejā ir ~ 50 000 eksponatu, kas klasificāti viesturis, etnografejis, rokstu, fotografeju, muokslys, numismatikys i c. kategorejuos.

Turpynuot skaiteit...

Ekspozicejis

Kēdaiņu Regionaluo muzeja ekspozicejā ir 17 dalis, kas apjam Kēdaiņu piļsātys i regiona viesturi nu pyrmsviesturis laiku da 1991. g. Zeimeiguokuos i pīviļceiguokuos ekspozicejis ir: „Kēdaini 16.–18. godu symtā”, „Nu rugu taiseits Apītalauķa muižys mebeļu komplekts”, „Vincys Svirska krysti”, „Aloiza Stasuleviča gleznys” i „Kēdaiņu regions svastikys i sorkonuos zvaigznis ānā nu 1940. da 1953. g.”

Turpynuot skaiteit...

Muzejpedagogiskuos programys

Muzeja izgleitojūšajā programā ir vaira kai 30 temys, tymā skaitā viesturis, etnokulturys i muokslys temys, kas ir paradzātys pyrmsškolys i školys vacuma bārnim.

Turpynuot skaiteit...

Pasuokumi

Sevkuru nedeļu Kēdaiņu Regionalais muzejs i juo filialis organizej koncertus, izstuožu atkluošonys, viesturyskūs nūtykumu atceris dīnys, tikšonuos ar muokslinīkim, autorim, kai ari izgleitojūšus pasuokumus. Gandreiž vysys izstuodis, koncerti i cyti kulturys pasuokumi nūteik Multikulturalajā centrā, kurā ir cīš loba akustika. Itū koncertzalu ir pozitivi nūviertejuši i bīži izmontoj senejuos, klasiskuos i džeza muzykys Lītuvys i uorzemu izpiļdeituoji. Kotru godu muzejs organizej publiskus pasuokumus mīškuonim i gostim, pīvadumam, „Eiropys muzeju nakts” vysaiduos Kēdaiņu piļsātys sabīdryskajuos vītuos, kai ari pīsadola vysuos Kēdaiņu svātku svineibuos i nūzeimeigu viesturyskūs nūtykumu atceris pasuokumūs. Sevkuru godu filialēs i sabīdryskajuos vītuos muzejs organizej vaira kai 100 pasuokumu, kurus apmeklej vaira kai 10 000 apmaklātuoju.

Turpynuot skaiteit...

Kontakti

Didžioji g. 19,

Kēdaini, Lītuva

telefons: +370 347 51330,

e-posts: kedainiumuziejus@gmail.com,

www.kedainiumuziejus.lt

 

Dorba laiks: ūtardiņ–sastdiņ 10.00–17.00

Turpynuot skaiteit...