Гісторыя гродзенскай фатаграфіі пачынаецца з 1860-ых гадоў, калі былі адчынены першыя атэлье або фатаграфічныя майстэрні І. Штумана, Е. Менцэля, І. Доўнар-Запольскага. Аднымі з самых вядомых гродзенскіх фатографаў былі І. І. Садоўскі, З. Карасік, Л. Гельгар, якія атрымалі ўзнагароды за ўдзел у міжнародных выставах. Фотасправа для многіх стала сямейным заняткам. Так, у Гродне, працавалі майстэрні дынастый Карасікаў, Гельгараў, Салавейчыкаў і інш. Адзін з самых знакамітых гродзенскіх фотамайстроў Іван Іванавіч Казлоўскі заснаваў атэлье на вул. Купецкай. Працаваў разам з Люцыянам Казлоўскім (лідскі дваранін, які вучыўся фотамайстэрству ў І. І. Садоўскага, затым Л. Казлоўскі атрымаў дазвол губернскага ўрада на адкрыццё асабістай майстэрні ў Беластоку, але гэтыя планы не здзейсніліся). З 1871 года і да канца 1890 гадоў І. Садоўскі працаваў разам са сваім кампаньёнам і вучнем — М. Казлоўскім. Менавіта ў гэтай майстэрні ў 1892 годзе быў зроблены фотаздымак з выявай Адама Ягоравіча Багдановіча. Фотаздымак наклеены на кардон светла-шэрага колеру, а ўнізе, пад фотаздымкам, на французскай мове пазначаны імёны ўладальнікаў фотамайстэрні: Садоўскі-Казлоўскі, Гродна. Выява Адама Ягоравіча прадстаўлена да пояса, ў авале, малады мужчына з густымі хвалістымі валасамі і прыгожымі вусамі глядзіць удалячынь. З адваротнага боку фотаздымка зроблены надпіс па-французску з указаннем прозвішчаў фотамайстроў: Садоўскі-Казлоўскі, Гродна, а таксама надпіс, зроблены ручкай шарыкавай: “Адам Ягоравіч Багдановіч”.

на адваротным баку фотаздымка адлюстраваны ўзнагароды фотамайстэрні

Available on exposure	так
Collection	Гродзенскі перыяд жыцця сям'і Багдановічаў