Паштоўка адзінарная, чорна – белая, з плотнай паперы бела-шэрага колеру, якая значна пажаўцела. З’яўляецца фотапаштоўкай. На ёй выява Вострай Брамы і капліцы, пабудаванай над ёй. “Раней, калі з гораду выязджалі ў розных напрамках, кожны шлях пачынаўся ад брамы. Цяпер тых брамаў няма. Адзіная ацалелая называлася Медніцкай. Цяпер яе называюць Вострай Брамай. Да брамы з боку горада ў канцы 18 стагоддзя была дабудавана капліца, дзе знаходзіцца абраз цудатворнай Божай Маці, шырока вядомы вернікам. Звонку, на атыку брамы, відавочная выява герба Вялікага княства Літоўскага “Пагоня” – адзначыў Лявон Луцевіч. На адвароце адна вертыкальная чорная лінія, справа ад яе чатыры гарызантальныя пункцірныя лініі, чорныя для напісання адрасу. У правым верхнім вуглу прамавугольнік для наклейвання маркі.

у вершы Максіма Багдановіча “Пагоня” згадваецца Вострая Брама: Толькі ў сэрцы трывожным пачую За краіну радзімую жах,- Ўспомню Вострую Браму святую І ваякаў на грозных канях.

Available on exposure	так
Collection	Літаратурна-грамадскі рух на Беларусі ў кан. ХІХ - пач. ХХ стст.