Машынапісны варыянт прадстаўлены на 4 аркушах і на рускай мове. Твор набраны на пішучай машынцы, але на кожнай старонцы зроблены праўкі шарыкавай ручкай. На першым аркушы ёсць надпіс простым алоўкам. Апошні аркуш склеены з дзвюх частак: першая палова старонкі напісана ад рукі, а другая набрана на пішучай машынцы. Аповесць была інсцэніравана ў Санкт-Пецярбургу і Магілёве, па матывах якой ў 1977 годзе рэжысёрам Ларысай Шапіцька быў зняты кінафільм “Узыходжанне”. Упершыню твор быў апублікаваны ў 1970 годзе ў часопісе “Новый мир” (№ 5), затым — у адзінаццатым нумары часопіса “Полымя”. Праца над аповесцю вялася з 1 снежня 1968 па 31 ліпеня 1969 гг. Гэта адзінаццатая аповесць Васіля Быкава.

з фільмамі, якія здымаліся па творах Васіля Быкава, звязаныя цікавыя гісторыі. Напрыклад, каб пазбегнуць неапраўданай цэнзуры кінастужкі "Восхождение" (1976), што здымалася па ваеннай аповесці "Сотнікаў", рэжысёр пайшла на невялічкі хітрык. У абыход "Масфільма" здымачная каманда запрасіла на першы прагляд Пятра Машэрава, які тады працаваў першым сакратаром ЦК КПБ. Напачатку былы партызан быў настроены скептычна (маўляў, што можа разумець у вайне жанчына – рэжысёр стужкі Ларыса Шапіцька). Аднак, па успамінах сведкаў, ужо на палове стужкі ён нават не хаваў сваіх слёз. Пасля прагляду Машэраў, у парушэнне традыцый, першым выйшаў на сцэну, дзе каля 40 хвілін дзяліўся сваім захапленнем. Праз пару дзён фільм афіцыйна прынялі без аніводнай праўкі.

Available on exposure	не
Collection	Фондасховішча Музея М. Багдановіча