Паштоўка чорна-белая, адзінарная. У цэнтры — тэатр Тызенгаўза, помнік архітэктуры XVIII стагоддзя. Фота аўтара, з архіва Рэспубліканскага музея гісторыі рэлігіі. На пярэднім баку, уверсе, надпіс: “Гродна. Театръ.”. На адваротным баку надпіс: “Тэатр Тызенгаўза / Помнік архітэктуры XVIII стагоддзя ўваходзіць у архітэктурны ансамбль Гарадніцы. / Цяпер у гэтым будынку размешчаны Гродзенскі абласны тэатр лялек”.

будынак тэатра быў пабудаваны ў 1772 годзе, архітэктарамі Мёзерам і Дж. Сака. Ініцыятарам стварэння стаў Антоній Тызенгаўз, дзяржаўны і грамадскі дзеяч ВКЛ, мецэнат. Намаганнямі Антонія Тызенгаўза Гродна стала месцам работы дзяржаўных устаноў. Тэатр быў задуманы як працяг Гродзенскага палаца Тызенгаўза, злучаны з ім праз крыты пераход. Тэатральная зала была сфармавана па “італьянскай крывой” і ўяўляе сабой паўкруглае памяшканне з амфітэатрам і яруснымі галерэямі. Сёння ў будынку месціцца Гродзенскі абласны тэатр лялек, які вядомы не толькі ў Беларусі, але і за межамі нашай рэспублікі.

Available on exposure	не
Collection	Фондасховішча Музея М. Багдановіча