Фотаздымак з выявай Ніны Багдановіч у труне. Ніна Багдановіч — родная сястра Максіма Багдановіча. На фотаздымку добра відаць пярэднюю частка труны, у якой ляжыць маленькая Ніна, закрыта да пояса белым палатном, паверх каторага шырокая белая стужка. Апранута дзяўчынка ў празрыстую белую кашульку, з доўгімі зубчастымі манжэтамі, перавязанымі белай стужкай на бант. На ручках ляжыць невялікі абразок. На фотаздымку дакладна відаць дэталі ўпрыгожання труны: верхні і ніжні край абабіты цёмнай узорнай тасьмою. Ручка ў форме кола на металічнай рэльефнай пласціне. Фотаздымак наклеены на кардон светла-ружовага колеру, зроблены А. М. Гарадзецкай.

Ніна Багдановіч была адзінай дачкой Адама Ягоравіча Багдановіча. Нарадзілася дзяўчынка 11 чэрвеня 1896 года ў Гародні. Яна была чацвёртым дзіцём ў сям’і, чыё нараджэнне яшчэ больш пагоршыла здароўе маці, Марыі Апанасаўны, якой не стала ў кастрычніку таго ж (1896) года. Пасля смерці жонкі Адам Ягоравіч разам з дзецьмі пераязджае жыць у Ніжні Ноўгарад, дзе ў хуткім часе памірае дачка Ніна, што пахавана на Петрапаўлаўскіх могілках. На жаль, гэта адзіны фотаздымак Ніны Багдановіч.

Available on exposure	не
Collection	Фондасховішча Музея М. Багдановіча