На зялёнай вокладцы кнігі ў белым коле напісана яе назва. Пад адной вокладкай сабраны творы двух пакаленняў – Ларысы Геніюш, якая з’яўляецца іконай беларускай паэзіі, і Юркі Геніюша – сына паэткі і беластоцкага лекара. У зборнік увайшла кніга  вершаў Ларысы Геніюш – «Сэрца» і кніга апавяданняў Юркі Геніюша «Да свету».

дзяцінства Юркі Геніюша прайшло ў Празе, аднак у поўнай беларускасці, якой поўніўся эмігранцкі дом Геніюшаў. Як шчыры беларус ён перажываў за будучыню роднага слова. Пры жыцці апублікаваў у перакладзе на польскую мову зборнік паэтычнай прозы «Спачатку было толькі Слова...» (Беласток, 1981). Пасля смерці выйшлі кнігі «Да свету» – у зборніку «Маці і сын» (Беласток, 1992) і «З маёй званіцы» (Беласток, 1993). Дэбютаваў на старонках беларускага тыднёвіка «Нівы» ў Беластоку  апавяданнем «Прыкметы». Першай значнай на творчым шляху кніжкай стаў  «Зборнік сцэнічных твораў», выдадзены ў 1976 г. Беларускім грамадска-культурным таварыствам.

Available on exposure	так
Collection	Гродзеншчына літаратурная