Лістоўка заклікае працоўнае насельніцтва не плаціць у казну выкупных і іншых плацяжэй, патрабаваць аплаты золатам, забіраць свае грошы са зберагальных касаў і дзяржаўнага банка, не дапускаць выплаты даўгоў дзяржавы, змагацца супраць самадзяржаўя. Прамавугольны ліст белай паперы, пажоўклы ад часу. Зверху па цэнтры пазначана: "Працовита бедната усих краіоу, злучайся!". Ніжэй буйным шрыфтам надрукаваны загаловак: "Манифэстъ". На адваротным баку лістоўкі пад чорнай жырнай рыскай надрукавана: "4-го дзекабра 1905 г. Друковано 3000 штук.".

Беларуская сацыялістычная грамада - першая беларуская палітычная партыя леванародніцкага накірунку, дзейнічала ў 1902 - 1918 гг. Спачатку планавалася назваць партыю Беларуская рэвалюцыйная грамада, але ў такім выпадку партыя змагла б дзейнічаць толькі ў глыбокім падполлі, ды і частка яе заснавальнікаў была супраць такой назвы. Таму канчаткова быў прыняты варыянт Беларуская сацыялістычная грамада.

Available on exposure	не
Collection	Фондасховішча ў Новым замку