Канверт немаркіраваны, светла-шэрага колеру. На пярэднім баку ў фігурнай стылізаванай рамцы друкарскі тэкст: "КИНЕ-ТЕАТРЪ / "САТУРНЪ" / ГРОДНО, Городничанская ул.соб. домъ". Такія канверты не прызначаліся для паштовай рассылкі, у іх, як правіла, разносіліся запрашэнні на паказы фільмаў і іншыя мерапрыемствы, што адбываліся ў кінатэатры.

кінатэатар "Сатурн" знаходзіўся на вуліцы Гараднічанскай, зусім блізка ад дома, дзе жыла са сваёй маці Людвіка Сівіцкая - будучая беларуская паэтка Зоська Верас. "Сатурн" - адзін з першых гродзенскіх кінатэатраў, паўстаў у пачатку ХХ ст. Напярэдадні Першай сусветнай вайны планавалася грунтоўна перабудаваць кінатэатар у архітэктурным стылі мадэрн, але ўласнікі не паспелі гэтага зрабіць. У міжваенныя гады ў кінатэатры нейкі час знаходзіўся вайсковы клуб, пасля ізноў кінатэатар "Кіно-маленькае". Будынак быў разбураны ў канцы 1970-х гг. пад час будаўніцтва адміністратыўнага квартала.

Available on exposure	не
Collection	Фондасховішча ў Новым замку