Уверсе надрукавана “Праграма спектакля драматычнай секцыі пры грамадзе Беларускай моладзі ў Горадні”, змешчана чорна-белая выява лагатыпа мясцовага тэатра. Падаецца інфармацыя пра пастаноўкі тэатра: спектакль “Паўлінка”, камедыю “Міхалка”. У анонсе – “Страхі жыцця” (драма з жыцця падчас нямецкай акупацыі). Ролю Паўлінкі выконвае П.Мядзёлка (беларуская артыстка, педагог, мемуарыстка), яна ж з’яўляецца і кіраўніком пастановак.

Паўліна Мядзёлка ў кастрычніку 1917 г. па дамоўленасці з княгіняй Магдаленай Радзівіл арганізавала беларускую школу ў вёсцы Жорнаўка Ігуменскага павета. Пасля таго, як у сакавіку 1918 г. школа была закрыта, перабралася ў Мінск. Працавала настаўніцай, удзельнічала ў пастаноўках Першага таварыства беларускай драмы і камедыі. Наведвала Вільню і Гродна. З 1918 г. выступала ў друку з вершамі. З вясны 1919  г. – інспектар беларускіх школ, кіраўнік Грамады беларускай моладзі і драматычнага гуртка ў Гродне. 20 ліпеня 1919 г. арыштавана польскімі ўладамі за ўдзел у выданні газеты «Родны край» (Гродна), дзе, дарэчы, і друкавалася.

Available on exposure	так
Collection	Літаратурна-грамадскі рух на Беларусі ў кан.19-пач.20 ст.