На вокладцы кнігі надрукавана назва, выхадныя дадзеныя. На тытульным лісце кнігі, пад назвай змешчана выява герба “Лебедзь” вядомага роду Завішаў, з якога паходзіла Магдалена Радзівіл. Яна фундавала свае грашовыя набыткі на выданне кніжак беларускіх літаратараў-творцаў пачатку ХХ ст.  Пачынаецца кніга з уступнага артыкула П.Беларуса “Ад аўтора”, далей падаецца тэкст апавядання “Якім Бяздольны”, якое выйшла асобным выданнем. У кнізе 54 старонкі з пагінацыяй.

Пётра Беларус (сапраўднае, Пётр Яленскі ) – беларускі паэт, пісьменнік, публіцыст пачатку ХХ ст., у 1913-1915 гг. друкаваўся ў газеце “Наша Ніва”. Апяваў родны край, выступаў супраць непісьменнасці і бескультур'я дарэвалюцыйнай вёскі, прапагандаваў народнае мастацтва. Творы П. Беларуса носяць асветніцкі характар, у іх утрымоўваюцца матывы асуджэння сацыяльных парадкаў.

Available on exposure	так
Collection	Літаратурна-грамадскі рух на Беларусі ў кан. ХІХ-пач. ХХ стст.