На вокладцы надрукавана прозвішча аўтара, назва кнігі. Гэта пятае, пераробленае і пашыранае выданне школьнай граматыкі Б.Тарашкевіча, выдадзенай у 1918 годзе. Змяненні і дапаўненні, унесеныя Тарашкевічам, не ўлічвалі пастановаў, зробленых Беларускай Акадэмічнай Канферэнцыяй (1926). Разам з тым, аўтар лічыў, што праблемы “акання” і “правапісу чужаземных слоў” усё яшчэ застаюцца спрэчнымі. Складаецца кніга з прадмовы, двух раздзелаў “Першае кола” і “Другое кола”, якія падзелены адпаведна на 56 і 106 параграфаў азнаямляльнага і навучальнага характараў.  У кнізе 132 с. з пагінацыяй.

ў гэтым выданні ўпершыню ў беларускую граматыку быў уведзены нарматыў на беларускі лацінскі алфавіт — з выкарыстаннем "Ł" (гук [л]), "Č", "Š", "Ž" (шыпячыя гукі), "W" (гук [в]). Выбухны гук г узгадваўся як такі, што “...сустракаецца рэдка і ў беларускім пісьме азначаецца літарай г з коскай над ёй з правага боку г’ ”. Прапаноўваўся варыянт запісу падвойнага мяккага гуку [дз'] у выглядзе “ддз”. “Беларуская граматыка для школ” Б.Тарашкевіча перавыдавалася 6 разоў.

Available on exposure	так
Collection	Літаратурна-грамадскі рух на Беларусі ў кан.ХІХ-пач. ХХ стст.