На вокладцы надрукавана імя і прозвішча аўтара, назва, выхадныя дадзеныя выдання і друкарні. У сваёй навукова-публіцыстычнай працы аўтар прапанаваў тэорыю аб старажытнай беларускай дзяржаўнасці, прадстаўленай Полацкім і Тураўскім княствамі, а пазней Вялікім Княствам Літоўскім. На першай старонцы – круглы штамп былога ўладальніка кнігі “кс. Адама / кнігазбор / Станкевіча”. У кнізе 16 с. з пагінацыяй.

М.В.Доўнар-Запольскі паходзіў з шляхецкага роду герба Побаг, нарадзіўся ў сям’і служачага. Пачатковую і сярэднюю адукацыю атрымаў у народным вучылішчы, школе г. Плоўдзіва (Балгарыя), народным вучылішчы г. Рэчыцы, прагімназіі г. Мазыра, а таксама 1-й гарадской гімназіі Кіева, з якой  быў адлічаны вясной 1888 г., як адзначалася «за предосудительное и вредное поведение, выразившееся в чтении найденных у него книг преступного содержания», а менавіта паэмы Т. Шаўчэнкі «Марыя», пісьма да А. Герцэна і эмігрантскага зборніка «Грамада», выдадзенага ў Жэневе (Швейцарыя) дзеячам украінскага нацыянальна-вызваленчага руху Міхайлам Драгамолавым.

Available on exposure	так
Collection	Літаратурна-грамадскі рух на Беларусі ў кан.ХІХ-пач. ХХ стст.