На вокладцы кнігі (злева ўверсе) змешчана выява фотаздымка Л.Геніюш, унізе (на фоне выявы гадзінніка) надрукавана назва. Трэці выпуск беларускага біяграфічнага альманаха “Асоба і час” цалкам прысвечаны постаці Ларысы Геніюш (1910-1983). Да ўвагі чытача – невядомыя творы паэткі, успаміны пра яе, унікальныя архіўныя дакументы, багаты эпісталярый, рэдкія фотаздымкі. Выданне прымеркавана да 100-годдзя Л.Геніюш. 456 с.

у альманаху змешчаны ўспаміны прафесара А.Пяткевіча пра наведванне дома сям’і Геніюшаў у г. Зэльва Гродзенскай вобласці: “У кніжным пакоі падлогу засцілаў самаробны падвойны дыван. У спальні ля аднаго з ложкаў ляжала вялікая белая аўчына, на якую так прыемна было ступаць босымі нагамі. Ладзячы стол для гасцей, Ларыса Антонаўна заўсёды паўзверх абруса клала па дыяганалі нацыянальны тканы пояс. Гасцям у гэтай хаце былі заўсёды шчыра радыя”.

Available on exposure	не
Collection	Фондасховішча Музея М. Багдановіча