На вокладцы кнігі зроблена цісненне ў выглядзе рамкі з раслінным арнаментам, унутры якой - крыжык. У кнізе змешчаны штодзённыя ранішнія малітвы, літанні, малітвы і парадак правядзення святой імшы, катэхізм, навэнны, крыжовы шлях, песні касцёльныя і інш. Тэкст суправаджаецца чорна-белымі выявамі на рэлігійныя тэмы, выявамі абразоў, святых. Заканчваецца кніга зместам. Гэта факсімільнае выданне “Бог з намі” было выдадзена Беларускім кааперацыйна-выдавецкім таварыствам “Адраджэнне”. А першапачатковае выданне малітоўніка выйшла ў 1915 г. у Вільні ў друкарні “Зніч”. Надрукавана на беларускай мове лацінкай.

Баляслаў Пачопка (1884-1940) - каталіцкі святар, настаўнік і публіцыст, укладальнік і выдавец першага ў XX стагоддзі беларускага малітоўніка «Boh z nami», аўтар першай беларускай граматыкі («Hramatyka biełaruskaj mowy. Apracawaŭ B.Pačobka). Падрыхтаваў і выдаў шэраг беларускіх рэлігійных кніжак. Пісаў вершы па-беларуску і па-польску, збіраў беларускі фальклор.

Available on exposure	так
Collection	Літаратурна-грамадскі рух на Беларусі ў кан. ХІХ-пач. ХХ стст.