Артыкул гісторыка Мікалая Ермаловіча прымеркаваны да 75-годззя з дня нараджэння Ларысы Геніюш. Машынапіс артыкула мае шматлікія аўтарскія праўкі і ўдакладненні ручкай. У канцы артыкула стаіць аўтограф М. Ермаловіча. Аўтар апісвае свае ўражанні ад паэзіі Л. Геніюш, цытатамі вершаў якой насычаны тэкст артыкула. У артыкуле ёсць радкі, якія надзвычай яскрава характарызуюць асобу Л. Геніюш як патрыёткі і як паэткі: "Яна была пясняркай спрадвечнай Беларусі, дух якой яна глыбока ўвабрала ў сябе і выявіла ў сваёй паэзіі. Пройдзенае народам было заўсёды для яе адным з найбольшых багаццяў, якое ні пры якіх абставінах нельга было ні кідаць, ні забываць".

гісторык Мікалай Ермаловіч быў блізкім сябрам Ларысы Геніюш, часта прыязжаў да яе з Маладэчна ў Зэльву,  пераадольваючы звыш пяцісот кіламетраў.  На адну дарогу ад Маладэчна да Зэльвы і назад ішоў дзень. Але гісторык звык пад перастук колаў працаваць, чытаць і нават пісаць, расклаўшы паперы на свабоднай лаўцы. Паводле прыблізных падлікаў, Ермаловіч правёў у электрычцы больш за два гады — 750 дзён, 18 000 гадзін.

Available on exposure	не
Collection	Фондасховішча Музея М. Багдановіча