Pasuokumi

X

Sevkuru nedeļu Kēdaiņu Regionalais muzejs i juo filialis organizej koncertus, izstuožu atkluošonys, viesturyskūs nūtykumu atceris dīnys, tikšonuos ar muokslinīkim, autorim, kai ari izgleitojūšus pasuokumus. Gandreiž vysys izstuodis, koncerti i cyti kulturys pasuokumi nūteik Multikulturalajā centrā, kurā ir cīš loba akustika. Itū koncertzalu ir pozitivi nūviertejuši i bīži izmontoj senejuos, klasiskuos i džeza muzykys Lītuvys i uorzemu izpiļdeituoji. Kotru godu muzejs organizej publiskus pasuokumus mīškuonim i gostim, pīvadumam, „Eiropys muzeju nakts” vysaiduos Kēdaiņu piļsātys sabīdryskajuos vītuos, kai ari pīsadola vysuos Kēdaiņu svātku svineibuos i nūzeimeigu viesturyskūs nūtykumu atceris pasuokumūs. Sevkuru godu filialēs i sabīdryskajuos vītuos muzejs organizej vaira kai 100 pasuokumu, kurus apmeklej vaira kai 10 000 apmaklātuoju.

Kēdaiņu Regionalais muzejs pastuoveigi eistynoj vysaidus projektus voi jam daleibu jimūs kai sadarbeibys partners. Itymā breidī teik realizāti itaidi projekti: „Muzejs – škola – školāns”; Vaļsts muzeju partnereibys teikls i vydsškolys eistynoj izgleiteibys programu cyklu Kēdaiņu Regionalajā muzejā „Īpazeisim regiona viesturi” (sponsors – Eiropys Socialais fonds), „Virtualuo paguotne – muzeju byutīne” (sadarbeibā ar Rēzeknis Augstškolu i Latgolys Kulturviesturis muzeju (Latveja) i Maksima Bagdanoviča muzeju Grodņā (Grodņa, Boltkrīveja), (sponsors –ES, Latvejis, Lītuvys i Boltkrīvejis puorrūbežu sadarbeibys programa);

„Pīrūbežys atlantida – rūbeža kulturys ceļš” (sadarbeibā ar „Pīrūbeža” fondu (Pūleja) i Kalingradys apgobola Rakstnīku asociaceju (Krīveja), (sponsors – ES, Lītuvys, Pūlejis i Krīvejis puorrūbežu sadarbeibys programa, 2007–2013);

Byus turpynuota ari storptautyskuo projekta „Hercogu Radzivilu storptautyskais ceļš” realizaceja, (sponsors – Lītuvys Republikys Kulturys ministreja).