Pasuokumi
Kotru mienesi LKM teik atkluotys jaunys muokslys i tematiskuos izstuodis. Daudzi nu pasuokumu izaveiduojuši par tradiceju – Rudiņa izstuode, Muzeju nakts, teoretiskī lasejumi Latgolys pūdnīku dīnuos, kai ari kasgadejs pīduovuojums teik papyldynuots ar jaunim pasuokumim – Dzimšonys dīna muzejā, Viesturis šaļteņu pītura i c.
- Vaira kai 25 muokslys i tematiskuos izstuodis godā (gleznīceiba, grafika, tieļnīceiba, lītiškuo muoksla vītejūs i gostu muokslinīku izpiļdejumā, izstuodis nu Latvejis muzeju kruojumu, storptautyskys izstuodis, tradicionaluos izstuodis – Latgolys muokslinīku dorbu izstuode „Rudiņs”, izstuode Baroka muzykys dīnuos, Rūžu izstuode Rūzis piļsātā).
- Saimis dīna muzejā sevkura mieneša 1. sastdīnē, kod muzeja apmekliejums ir bez moksys.
- Tematiski i literari muzykali pasuokumi Latvejis, Latgolys viesturē svareigu pīminis i godadīnu atcerei, sabīdreibā pazeistamu personeibu jubilejis reizēs, gruomotu attaisiešonys svātki i c.
- Storptautyskuo akceja Muzeju nakts i Storptautyskuos muzeju dīnys pasuokumi 18. majā.
- Viesturis šaļteņu pītura, kur vīnu reizi mienesī teik puorrunuots kaids interesants Rēzeknis viesturis nūtykums, teik īpazeitys Rēzeknis īlys, sātys, personeibys viesturis diskursā.
- Muzeja laseitovys pakolpuojumi muzeja apmaklātuojim – īspaideigs latgalīšu i trymdys literaturys pīduovuojums, Latgolys Kulturys centra izdevnīceibys gruomotys, vuordineicys, nūzaru literatura.
- Ekskurseja muzejā ar īspieju apsavērt muzeja ekspozicejis i aktualuos izstuodis gida pavadeibā.
- Muzeja prakse Rēzeknis Augstškolys, Rēzeknis Muokslys i dizaina vydsškolys, cytu Latvejis augstškolu studentim.
- Dzimšonys dīnys programa zynuotkuorim jubilarim (6–12 godi), izalosūt kaidu nu treju svineibu temu:
- kūpā ar Muola pikuci laistīs ceļuojumā Latgolys keramikys vaļsteibā, pabyut sanejā tiergā, sasatikt ar lobūs i na tik lobūs dorbu slīksni, muzycēt ar sviļpaunīkim i atkluot, kū var globuot lelajūs pūdūs;
- ar Rēzeknis piļskolna priņcesi Rūzi nūsvinēt svātkus, dzierdēt stuostus par graznom pilim, priņčim i drūsim bruninīkim;
- pīsadaleit „arheologiskajūs” izrokumūs, viesturis pieteišonā, burvesteibu atslāga vaicuošonā.
- „Svynam skaisti!“ – dzimšonys dīnys programa dāmom i kungim. Prezentaceja i sarunys par savīseigū i kulturys dzeivi Rēzeknē 20. g. s. 30. g.: „Kosmetologis Zinaidys Irbis salonā smaržuos piec jaunuokajom Vīnis mūdis tendeņcem pagatavuotuo krema, iz spīgeļa byus pudrys putekleiši… Dāmys kungu pavadeibā īs iz teatra izruodi Tautys pilī… Dreizumā gaidoma viersnīku baļle.”
Lekcejis, prezentacejis i videomateriali, specialistu konsultacejis, projekti, kartotekys, kruojuma materiali i c. īspiejis, kai boguotynuot sovu pīredzi.
Aktualitatis var vērtīs:
http://www.rezekne.lv/kultura/latgales-kulturvestures-muzejs/muzeja-zinas/
http://www.muzeji.lv/lv/museums/latgale-culture-and-history-museum/
http://www.kulturaskarte.lv/lv/muzejs/latgales-kulturvestures-muzejs, http://www.draugiem.lv/lkm/
https://www.facebook.com/update_security_info.php?wizard=1#!/latgales.kulturvesturesmuzejs