Izceļ Arnetu sātu!

Apple dis     Google dis     Windows dis

17. g. s. Kēdaini beja privata piļsāta, kas pīdarēja Biržu-Dubiņģu atzora Radzivilu hercogim i kas beja ļutaru sola katuoļu Lītuvys lelkņazistē. Piļsātā beja sešys nacionaluos i konfesionaluos kūpīnys i 10 giļdis. Skotejis tierguotuoji veiduoja vīnu nu ītekmeiguokūs kūpīnu, kas aktivi dorbuojuos piļsātys ekonomyskajā, religiskajā i sabīdryskajā dzeivē. Skoti, kas nu 1629. g. suoce apsamest iz dzeivi Kēdaiņūs, cēle lelys divu stuovu akmiņa sātys ar pogrobim, kū izmontuoja preču globuošonai. 17. g. s. vydā vītejī meistari izcēle tureiga skotu izceļsmis Kēdaiņu īdzeivuotuoja Džona Arneta sātu centralajā piļsātys daļā.

17. g. s. sātu ceļtnīceibā tyka izmontuoti vītejī ceļtnīceibys materiali: uora akmini, cegli, smiļkts, vapna, gipss i kūkmateriali. Vītejam materialam beja byutyska lūma ceļtnīceibys metodis, arhitekturys i apdaris izvēlē.

 

Spēlis mierkis

Spēlē spālātuojam ir nu jauna juoizceļ Arnetu sāta, izalosūt pareizū ceļtnīceibys elementu voi materialu.

Spēlis natīšais mierkis

Izavielejūt pareizū ceļtnīceibys elementu voi materialu, spālātuojs izzynoj, kai tyka izmontuots vītejais materials i kai jis ītekmēja āku arhitekturu.

Spēlis adresats

Spēle ir dūmuota 5.–12. klašu školānim.

Spēlis aproksts

Spēle sastuov nu 35 mozu leimiņu. Kotrā leiminī spālātuojam ir juoizalosa pareizais ceļtnīceibys elements voi materials, izalaseitais materials voi elements ir juovalk iz vaicuojuma zeimi, kas atsarūn ceļtnīceibys vītā. Ka ceļtnīceibys elements voi materials ir izalaseits pareizi, tod spālātuojs sajem punktus i dūdās iz nuokušū leimini. Ka spālātuojs pīlaiž klaidu, jis zaudej dažus punktus (punktu skaits navar byut ar minusa zeimi) i rauga atkuortuoti izalaseit materialu. Nuokušajā leiminī var puorīt viņ tod, kod īprīškejā izalaseits pareizais ceļtnīceibys elements voi materials.

Spēlis beiguos, kod sāta ir izcalta, spālātuojs, atkareibā nu tuo, cik juo materialu i elementu izvēle ir bejusi veiksmeiga, sajam kūpejū punktu skaitu, kas teik puorvārsts naudā. Spālātuojs var apsavērt, kaidys cytys amatnīku precis jis varēja nūpierkt par naudys sumu, kas nūpeļneita sātys ceļšonā.